C. Valerius Catullus, Carmen 73: A Failed Friend
Catullus speaks to himself about friendship and ingratitude.
Tier 1
nōlī velle merērī ab aliquibus,
aut nōlī putāre aliquem posse fierī pium.
omnia sunt sine grātiā, nōn bonum est facere benignē,
immō malum est tibi;
ut mihi, quem nēmō urget gravius
quam quī modo habuit mē ūnum et sōlum amīcum.
Tier 2
dēsine bene velle merērī dē quōquam quicquam
aut putāre aliquem posse fierī pium.
omnia sunt ingrāta, prōdest nihil fēcisse benignē,
immō etiam taedet magisque obest;
ut mihi, quem nēmō urget gravius nec acerbius,
quam quī modo habuit mē ūnum atque ūnicum amīcum.
Tier 3 - Carmen Ipsum
- dēsine dē quōquam quicquam bene velle merērī
- aut aliquem fierī posse putāre pium.
- omnia sunt ingrāta, nihil fēcisse benignē
- prōdest immō etiam taedet obestque magis;
- ut mihi, quem nēmō gravius nec acerbius urget,
- quam modo quī mē ūnum atque ūnicum amīcum habuit.
Original draft written by Robert Amstutz