C. Valerius Catullus, Carmen 71: On Revenge
An insult poem addressed to an unnamed man about his rival in love, who suffers from two afflictions, a foul smell and gout. It contains coarse language.
Tier 1
sī horribilis caper sub brachiō prohibet [ali]quem iūre,
aut sī tarda podagra secat [ali]quem,
tuus rīvālis, quī labōrat tuam puellam, invēnit utrumque malum ā tē.
nam quotiēns puellam tuam futuit, totiēns ambō pūniuntur: illa odōre, ipse perit podagrā.
Tier 2
sī sacer hircus ālārum obstitit cui iūre bonō,
aut sī tarda podagra secat quem meritō,
iste aemulus tuus, quī exercet vestrum amōrem, nactus est mīrificē utrumque malum ā tē.
nam quotiēns futuit, totiēns ulcīscitur ambōs: afflīgit illam odōre, ipse perit podagrā.
Tier 3 - Carmen Ipsum
- sī cui iūre bonō sacer ālārum obstitit hircus,
- aut sī quem meritō tarda podagra secat,
- aemulus iste tuus, quī vestrum exercet amōrem,
- mīrificē est ā tē nactus utrumque malum.
- nam quotiēns futuit, totiēns ulcīscitur ambōs:
- illam afflīgit odōre, ipse perit podagrā.
Original draft written by Robert Amstutz