C. Valerius Catullus, Carmen 69: To Rufus: About your odor...
An insult poem addressed to a man named Rufus, about an unpleasant rumor concerning him.
Tier 1
Rūfe, nōlī mīrārī cūr fēminae nōlint cubāre tēcum,
nōn etiam sī tū dēs fēminīs dōna vestis aut gemmārum.
mala fāma dīcit tē habēre caprum olentem sub brachiīs tuīs.
omnēs fēminae hunc caprum timent, neque mīrum est:
nam bēstia pessima est, nec placet fēminae cubāre cum caprō.
ergō aut interfice malam pestem nāsōrum, aut dēsine mīrārī cūr fēminae ā tē fugiunt.
Tier 2
Rūfe, nōlī admīrārī quārē nūlla fēmina velit supposuisse tenerum femur tibi,
nōn sī labefactēs illam mūnere vestis aut dēliciīs perlūcidulī lapidis.
quaedam mala fābula laedit tē, quā fertur tibi trux caper sub valle ālārum habitāre.
omnēs metuunt hunc, neque mīrum:
nam bēstia mala valdē est, nec quīcum bella puella cubet.
quārē aut interfice crūdēlem pestem nāsōrum, aut dēsine admīrārī cūr fugiunt.
Tier 3 - Carmen Ipsum
- nōlī admīrārī, quārē tibi fēmina nūlla,
- Rūfe, velit tenerum supposuisse femur,
- nōn sī illam rārae labefactēs mūnere vestis
- aut perlūcidulī dēliciīs lapidis.
- laedit tē quaedam mala fābula, quā tibi fertur
- valle sub ālārum trux habitāre caper.
- hunc metuunt omnēs, neque mīrum: nam mala valdē est
- bēstia, nec quīcum bella puella cubet.
- quārē aut crūdēlem nāsōrum interfice pestem,
- aut admīrārī dēsine cūr fugiunt.
Original draft written by Robert Amstutz