C. Valerius Catullus, Carmen 55: To Camerius: What are you up to?
Catullus addresses his friend Camerius, whom he has been looking for all over Rome. The Circus Maximus and the colonnade of the Theatre of Pompey are among the places named.
Tier 1
sī potes, dīc mihi ubi sīs.
quaesīvī tē in Campō minōre, in Circō Maximō, in tabernīs quae librōs vendunt, et in sacrātō templō Jovis.
amīce, interrogāvī omnēs puellās ambulantēs in theātrō Magnī Pompēiī, fēminās quae serēnae esse videntur.
sīc ego ipse clāmābam: pessimae puellae, dīcite mihi ubi Camerius sit.
respondit, "ecce pectus meum, Camerius sē occultat inter roseās mammās."
sed iam est labor Herculī ferre tē;
amīce, tū negās tē esse in tam turpī rē.
dīc nōbīs ubi tū futūrus sīs, audāx, nōlī tē occultāre.
puellae capillīs flāvīs tē tenent?
sī nōn dīcis, nōn habēbis omnēs frūctūs amōris.
Venus est laeta cum verbīs multīs.
vel, sī vīs, licet tibi claudere ōs tuum, dum ego sim pars tuī amōris.
Tier 2
sī forte nōn molestum est, ōrāmus dēmōnstrēs ubi sint tuae tenebrae.
quaesīvimus tē Campō minōre
tē in Circō, tē in omnibus libellīs,
tē in sacrātō templō summī Jovis.
amīce, prēndī omnēs fēmellās simul in ambulātiōne Magnī, [fēmellās] quās tamen vīdī vultū serēnō.
sīc ipse flāgitābam, pessimae puellae āvelte Camerium mihi.
quaedam inquit, nūdum redūc…
'ēn hīc latet in roseīs papillīs.'
sed iam labōs Herculī est ferre tē;
amīce, negās tē in tantō fastū.
dīc nōbīs ubi futūrus sīs, ēde audācter, committe, crēde lūcī.
nunc lacteolae puellae tē tenent?
sī tenēs linguam in clausō ōre, prōiciēs omnēs frūctūs amōris.
Venus gaudet verbōsā loquellā.
vel, sī vīs, licet obserēs palātum, dum sim particeps vestrī amōris.
Tier 3 - Carmen Ipsum
- ōrāmus, sī forte nōn molestum est,
- dēmōnstrēs ubi sint tuae tenebrae.
- tē Campō quaesīvimus minōre,
- tē in Circō, tē in omnibus libellīs,
- tē in templō summī Iovis sacrātō.
- in Magnī simul ambulātiōne
- fēmellās omnēs, amīce, prēndī,
- quās vultū vīdī tamen serēnās.
- † āvelte, sīc ipse flāgitābam,
- Camerium mihi pessimae puellae.
- quaedam inquit, nūdum redūc... †
- 'ēn hīc in roseīs latet papillīs.'
- sed tē iam ferre Herculī labōs est;
- tantō tē in fastū negās, amīce.
- dīc nōbīs ubi sīs futūrus, ēde
- audācter, committe, crēde lūcī.
- nunc tē lacteolae tenent puellae?
- sī linguam clausō tenēs in ōre,
- frūctūs prōiciēs amōris omnēs.
- verbōsā gaudet Venus loquellā.
- vel, sī vīs, licet obserēs palātum,
- dum vestrī sim particeps amōris.
Original draft written by Robert Amstutz