C. Valerius Catullus, Carmen 51: To Lesbia: In the style of Sappho
Catullus's version of a poem by the Greek poet Sappho, written in the stanza named after her. Lesbia is named, and Catullus also speaks to himself.
Tier 1
ille vir vidētur mihi esse aequus deō,
ille, sī possum id dīcere, esse maior quam dī,
is quī sedet contrā tē, et spectat et audit tē iterum iterumque dulce rīdentem,
id quod ēripit omnēs sēnsūs mihi:
nam simul vīdī tē, Lesbia, nihil est mihi,
sed lingua mea nihil sentit, tenuis flamma per membra mea it,
aurēs meae tintinnant sonitū suō, oculī meī nihil vident.
ōtium est molestum tibi, Catulle: in tempore ōtiī tū exultās nimis multum et vīs nimis multum:
ōtium et prius rēgēs et laetās urbēs perdidit.
Tier 2
ille vidētur mī esse pār deō, ille, sī fās est, superāre dīvōs,
quī sedēns adversus spectat et audit tē identidem dulce rīdentem,
quod ēripit omnīs sēnsūs miserō mihi:
nam simul aspexī tē, Lesbia, nihil est super mī,
sed lingua torpet, tenuis flamma sub artūs dēmānat,
aurēs tintinant sonitū suōpte, lūmina teguntur geminā nocte.
ōtium est molestum tibi, Catulle: exultās nimiumque gestīs ōtiō:
ōtium et prius rēgēs et beātās urbēs perdidit.
Tier 3 - Carmen Ipsum
- ille mī pār esse deō vidētur,
- ille, sī fās est, superāre dīvōs,
- quī sedēns adversus identidem tē
- spectat et audit
- dulce rīdentem, miserō quod omnīs
- ēripit sēnsūs mihi: nam simul tē,
- Lesbia, aspexī, nihil est super mī
- * * * * * * * *
- lingua sed torpet, tenuis sub artūs
- flamma dēmānat, sonitū suōpte
- tintinant aurēs geminā, teguntur
- lūmina nocte.
- ōtium, Catulle, tibi molestum est:
- ōtiō exsultās nimiumque gestīs:
- ōtium et rēgēs prius et beātās
- perdidit urbēs.
Original draft written by Robert Amstutz