C. Valerius Catullus, Carmen 43: To Ameana: No Comparison!
An insult poem addressed to the girlfriend of Mamurra, probably the Ameana of poem 41. Lesbia is named in it.
Tier 1
salvē puella nāsō magnō,
et foedō pede, et oculīs nōn ātrīs et parvīs digitīs et ōre hūmidō et linguā quae nōn est ēlegāns,
amīca Mamurrae quī pecūniam suam nōn habet.
prōvinciane dīcit tē esse fōrmōsam?
Lesbia mea comparātur cum tē?
ō stultum tempus!
Tier 2
salvē, puella nec minimō nāsō
nec bellō pede nec nigrīs ocellīs nec longīs digitīs nec ōre siccō nec linguā sānē nimis ēlegante,
amīca dēcoctōris Formiānī.
prōvinciane nārrat tē esse bellam?
Lesbiane nostra comparātur cum tē?
ō saeclum īnsapiēns et īnfacētum!
Tier 3 - Carmen Ipsum
- salvē, nec minimō puella nāsō
- nec bellō pede nec nigrīs ocellīs
- nec longīs digitīs nec ōre siccō
- nec sānē nimis ēlegante linguā,
- dēcoctōris amīca Formiānī.
- tēn prōvincia nārrat esse bellam?
- tēcum Lesbia nostra comparātur?
- ō saeclum īnsapiēns et īnfacētum!
Original draft written by Robert Amstutz