C. Valerius Catullus, Carmen 40: To Ravidus: I'll make you famous...
Catullus addresses Ravidus, a rival in love, about the danger of becoming the target of Catullus's verse.
Tier 1
miselle Ravide, quod malum agit tē currere in meōs iambōs?
quī deus, male invocātus ā tē, parat īnsānam pugnam?
ut sīs in linguā omnium? quid vīs? optās esse fāmōsus quālubet?
eris fāmōsus, cum volueris amāre meum amōrem cum longā poenā.
Tier 2
miselle Ravide, quaenam mala mēns tē praecipitem agit in meōs iambōs?
quis deus nōn bene advocātus tibi parat excitāre vēcordem rixam?
an ut perveniās in ōra vulgī? quid vīs? optās esse nōtus quālubet?
eris, quandoquidem voluistī amāre meōs amōrēs cum longā poenā.
Tier 3 - Carmen Ipsum
- quaenam tē mala mēns, miselle Ravide,
- agit praecipitem in meōs iambōs?
- quis deus tibi nōn bene advocātus
- vēcordem parat excitāre rixam?
- an ut perveniās in ōra vulgī?
- quid vīs? quālubet esse nōtus optās?
- eris, quandoquidem meōs amōrēs
- cum longā voluistī amāre poenā.
Original draft written by Robert Amstutz