C. Valerius Catullus, Carmen 34: A Hymn to Diana
A hymn to Diana, sung by a chorus of girls and boys. Diana's mother Latona and her father Jupiter are named, along with the other titles under which the goddess is worshipped.
Tier 1
nōs puellae et puerī sumus pūrī in fidē Diānae.
puerī et puellae pūrae canāmus Diānam.
ō Lātōnia, magna fīlia maximī Jovis,
quam māter dēposuit prope Dēliam olīvam,
ut forēs domina montium, silvārum, locōrum silvae sēcrētōrum, fluviōrum.
tū vocāris Lūcīna Jūnō fēminīs quae mātrēs mox erunt, vocāris Trivia potēns, vocāris Lūna falsō lūmine diēī.
dea, tū mētīris annuum viā mēnstruā, tū facis rūstica tēcta agricolae plēna bonīs frūgibus.
sīs sāncta quōcumque nōmine tibi placet, cōnservā populum Rōmānum bonā ope ut solita es in temporibus antīquīs.
Tier 2
puellae et puerī integrī sumus in fidē Diānae.
puerī integrī et puellae canāmus Diānam.
ō Lātōnia, magna prōgeniēs maximī Jovis,
quam māter prope Dēliam olīvam dēposuit,
ut forēs domina montium, silvārum virentium, saltuum reconditōrum, amnium sonantum.
tū es dicta Lūcīna Jūnō dolentibus puerperīs, [dicta] Trivia potēns, [dicta] Lūna nothō lūmine.
tū, dea, mētiēns iter annuum cursū mēnstruō, explēs rūstica tēcta agricolae bonīs frūgibus.
sīs sāncta quōcumque nōmine tibi placet, sōspitēs bonā ope gentem Rōmulī ut solita es antīquē.
Tier 3 - Carmen Ipsum
- Diānae sumus in fidē
- puellae et puerī integrī:
- Diānam puerī integrī
- puellaeque canāmus.
- ō Lātōnia, maximī
- magna prōgeniēs Iovis,
- quam māter prope Dēliam
- dēposīvit olīvam,
- montium domina ut forēs
- silvārumque virentium
- saltuumque reconditōrum
- amniumque sonantum:
- tū Lūcīna dolentibus
- Iūnō dicta puerperīs,
- tū potēns Trivia et nothō es
- dicta lūmine Lūna.
- tū cursū, dea, mēnstruō
- mētiēns iter annuum,
- rūstica agricolae bonīs
- tēcta frūgibus explēs.
- sīs quōcumque tibi placet
- sāncta nōmine, Rōmulīque,
- antīquē ut solita es, bonā
- sōspitēs ope gentem.
Original draft written by Robert Amstutz