C. Valerius Catullus, Carmen 33: To Vibennius: An Insult
An insult poem against Vibennius and his son, a pair of thieves at the public baths. It contains coarse language.
Tier 1
ō optimī virōrum quī aliēnās rēs ē balneīs abstulistis, pater Vibennī et cinaede fīlī,
nam pater habet manum sordidam et fīlius ānum vorācem,
cūr nōn ītis exilium et in malōs locōs?
omnis populus scit patrem esse fūrem, et fīlī, tū nōn potes vendere natēs tuās ūnō asse.
Tier 2
ō optime fūrum balneāriōrum, pater Vibennī et fīlī cinaede
(nam pater dextrā inquinātiōre, fīlius est vorāciōre cūlō),
cūr nōn ītis exilium et in malās ōrās?
quandoquidem rapīnae patris nōtae sunt populō, et fīlī, nōn potes venditāre pilōsās natīs asse.
Tier 3 - Carmen Ipsum
- ō fūrum optime balneāriōrum
- Vibennī pater et cinaede fīlī
- (nam dextrā pater inquinātiōre,
- cūlō fīlius est vorāciōre),
- cūr nōn exilium malāsque in ōrās
- ītis? quandoquidem patris rapīnae
- nōtae sunt populō, et natīs pilōsās,
- fīlī, nōn potes asse venditāre.
Original draft written by Robert Amstutz