C. Valerius Catullus, Carmen 24: To Iuventius: On Poverty
Catullus writes to Iuventius, a young man of a distinguished family whom Catullus loves, about a rival who is penniless, probably the Furius of poem 23. The legendary rich king Midas is mentioned.
Tier 1
ō tū quī es flōs Iuventiōrum, nōn modo hōrum, sed quot aut Iuventiī fuērunt aut erunt,
volō tē dare dīvitiās Midae istī virō, cui est neque servus neque arca, potius quam sinere tē amārī ab illō.
'quī? nōnne est homō pulcher?' interrogās. est:
sed neque servus neque arca est huic pulchrō virō.
rēice id quod volō sī vīs: tamen ille vir habet nec servum nec arcam.
Tier 2
ō quī es flōsculus Iuventiōrum, nōn modo hōrum, sed quot aut fuērunt aut posthāc erunt in aliīs annīs,
māllem dedissēs dīvitiās Midae istī, cui est neque servus neque arca, quam sinerēs tē sīc amārī ab illō.
'quī? nōn est homō bellus?' inquiēs. est:
sed neque servus neque arca est huic bellō.
abice ēlevāque hoc tū quam lubet: tamen ille habet nec servum neque arcam.
Tier 3 - Carmen Ipsum
- ō quī flōsculus es Iuventiōrum,
- nōn hōrum modo, sed quot aut fuērunt
- aut posthāc aliīs erunt in annīs,
- māllem dīvitiās Midae dedissēs
- istī, cui neque servus est neque arca,
- quam sīc tē sinerēs ab illō amārī.
- 'quī? nōn est homō bellus?' inquiēs. est:
- sed bellō huic neque servus est neque arca.
- hoc tū quam lubet abice ēlevāque:
- nec servum tamen ille habet neque arcam.
Original draft written by Robert Amstutz