C. Valerius Catullus, Carmen 9: To Veranius: Welcome home from Spain
Catullus greets his friend Veranius, who has just come home from a long stay in Spain.
Tier 1
Verānī, optime amīce ex omnibus mīlibus meīs amīcīs,
vēnistīne domum ad tuōs penātēs, et frātrēs, et mātrem antīquam?
vēnistī. ō laeta diēs!
vidēbō tē sēcūrum et audiam tē nārrantem loca, et facta, et nātiōnēs Hibērum, ut mōs tuus est.
tenēbō tē et ōscula dabō tuō collō iūcundō et ōrī et oculīs.
ō quam magnum est hominum fortūnātiōrum, quid laetius est quam ego?
Tier 2
Verānī, antistāns omnibus ē meīs amīcīs mīlibus trecentīs,
vēnistīne domum ad tuōs penātēs frātrēsque ūnanimōs anumque mātrem?
vēnistī. ō nūntiī beātī mihi!
vīsam tē incolumem audiamque tē nārrantem loca Hibērum, facta nātiōnēs, ut mōs tuus est,
applicānsque collum iūcundum ōs oculōsque suāviābor.
ō quantum est hominum beātiōrum, quid est laetius beātiusve mē?
Tier 3 - Carmen Ipsum
- Verānī, omnibus ē meīs amīcīs
- antistāns mihi mīlibus trecentīs,
- vēnistīne domum ad tuōs penātēs
- frātrēsque ūnanimōs anumque mātrem?
- vēnistī. ō mihi nūntiī beātī!
- vīsam tē incolumem audiamque Hibērum
- nārrantem loca, facta nātiōnēs,
- ut mōs est tuus, applicānsque collum
- iūcundum ōs oculōsque suāviābor.
- ō quantum est hominum beātiōrum,
- quid mē laetius est beātiusve?
Original draft written by Robert Amstutz