C. Valerius Catullus, Carmen 7: To Lesbia: How many kisses?
Catullus answers a question from Lesbia about kisses. His answer draws on the Libyan desert around Cyrene, with the oracle of Jupiter and the tomb of the city's founder Battus, and on the stars of the night sky.
Tier 1
Lesbia, tū interrogās quot tua bāsia sint satis mihi.
quam magnus numerus Libyssārum harēnārum inter templum Jovis calidī et sacrum sepulcrum Battī antīquī;
aut quam multae stellae, cum nox tacet, vident fūrtīvōs amōrēs hominum:
ōsculārī tē tam multa ōscula satis est īnsānō Catullō, quae cūriōsī nec numerāre possint nec ūtī magicā arte malā linguā possint.
Tier 2
Lesbia, quaeris quot tuae bāsiātiōnēs sint satis superque mihi.
quam magnus numerus Libyssae harēnae iacet in lāsarpīciferīs Cyrēnīs inter ōrāclum Jovis aestuōsī et sacrum sepulcrum Battī veteris;
aut quam multa sīdera, cum nox tacet, vident fūrtīvōs amōrēs hominum:
bāsiāre tē tam multa bāsia satis et super est vēsānō Catullō, quae cūriōsī nec pernumerāre nec fascināre malā linguā possint.
Tier 3 - Carmen Ipsum
- quaeris, quot mihi bāsiātiōnēs
- tuae, Lesbia, sint satis superque.
- quam magnus numerus Libyssae harēnae
- lāsarpīciferīs iacet Cyrēnīs
- ōrāclum Iovis inter aestuōsī
- et Battī veteris sacrum sepulcrum;
- aut quam sīdera multa, cum tacet nox,
- fūrtīvōs hominum vident amōrēs:
- tam tē bāsia multa bāsiāre
- vēsānō satis et super Catullō est,
- quae nec pernumerāre cūriōsī
- possint nec mala fascināre lingua.
Original draft written by Robert Amstutz