C. Valerius Catullus, Carmen 6: To Flavius: Who is your girl?
This is a teasing, coarse poem addressed to Catullus's friend Flavius, who is keeping a love affair to himself.
Tier 1
Flāvī, nōnne vīs nūntiāre amōrem tuum Catullō? an est amor tuus sine ēlegantiā et inēlegāns?
certē tū amās aliquam prōstitūtam: pudet cōnfitērī hoc.
nam etiam sine vōce, lectus tuus clāmat tē nōn sōlum iacēre per noctēs, lectus frāgrāns sertīs et Syriō olīvō,
et bene ūsus pulvīnus aequē et hīc et illīc, sonus et mōtus tremulī lectī, omnēs hae rēs arguunt tē nōn sōlum per noctēs esse.
itaque tacēre dē tuā indignitāte nīl facit. cūr? tū nōn ostendās latera tam fessa coitū, nisi tū faciās quid stultum.
ergō dīc nōbīs quidquid habēs, bonī malīque.
volō vocāre tē et tuōs amōrēs ad caelum meō versū lepidō.
Tier 2
Flāvī, nī sint illepidae atque inēlegantēs, vellēs dīcere nec possēs tacēre dēliciās tuās Catullō.
vērum dīligis nescio quid febriculōsī scortī: pudet fatērī hoc.
nam nēquīquam tacitum cubīle clāmat tē nōn iacēre viduās noctēs, [cubīle] frāgrāns sertīs ac Syriō olīvō,
pulvīnusque attrītus peraequē et hic et ille, argūtātiōque quassa inambulātiōque tremulī lectī.
nam nīl stupra valet tacēre nihil. cūr? nōn pandās tam latera ecfutūta, nī tū faciās quid ineptiārum.
quārē dīc nōbīs quidquid habēs, bonī malīque.
volō vocāre tē ac tuōs amōrēs ad caelum lepidō versū.
Tier 3 - Carmen Ipsum
- Flāvī, dēliciās tuās Catullō,
- nī sint illepidae atque inēlegantēs,
- vellēs dīcere nec tacēre possēs.
- vērum nescio quid febriculōsī
- scortī dīligis: hoc pudet fatērī.
- nam tē nōn viduās iacēre noctēs
- nēquīquam tacitum cubīle clāmat
- sertīs ac Syriō frāgrāns olīvō,
- pulvīnusque peraequē et hic et ille
- attrītus, tremulīque quassa lectī
- argūtātiō inambulātiōque.
- nam nīl stupra valet, nihil tacēre.
- cūr? nōn tam latera ecfutūta pandās,
- nī tū quid faciās ineptiārum.
- quārē, quidquid habēs bonī malīque,
- dīc nōbīs. volō tē ac tuōs amōrēs
- ad caelum lepidō vocāre versū.
Original draft written by Robert Amstutz