C. Valerius Catullus, Carmen 5: To Lesbia: Let us Live and Let us Love!
Catullus addresses Lesbia. The poem is about love and kisses, set against the gossip of disapproving old men and the shortness of life.
Tier 1
mea Lesbia, vīvāmus et amēmus, et aestimēmus omnēs rūmōrēs virōrum seniōrum ūnīus assis!
sōl potest occidere et redīre. cum nōs mortuī sumus, modo est ūna nox perpetua.
dā mihi multa ōscula, deinde plūra ōscula.
deinde, cum fēcerimus multa mīlia ōscula, miscēbimus illa ōscula nē quot ōscula esse sciāmus,
aut nē [ali]quis malus in nōs spectāre possit, cum sciat tam multa esse ōscula.
Tier 2
mea Lesbia, vīvāmus atque amēmus, et aestimēmus omnēs rūmōrēs senum sevēriōrum ūnīus assis!
sōlēs possunt occidere et redīre: cum semel brevis lūx occidit nōbīs, est ūna perpetua nox dormienda.
dā mī bāsia mīlle, deinde centum,
dein mīlle altera, dein secunda centum,
deinde ūsque altera mīlle, deinde centum.
dein, cum fēcerimus multa mīlia, conturbābimus illa, nē [quot esse] sciāmus,
aut nē [ali]quis malus invidēre possit, cum sciat tantum esse bāsiōrum.
Tier 3 - Carmen Ipsum
- vīvāmus mea Lesbia, atque amēmus,
- rūmōrēsque senum sevēriōrum
- omnēs ūnius aestimēmus assis!
- sōlēs occidere et redīre possunt:
- nōbīs cum semel occidit brevis lūx,
- nox est perpetua ūna dormienda.
- dā mī bāsia mīlle, deinde centum,
- dein mīlle altera, dein secunda centum,
- deinde ūsque altera mīlle, deinde centum.
- dein, cum mīlia multa fēcerimus,
- conturbābimus illa, nē sciāmus,
- aut nē quis malus invidēre possit,
- cum tantum sciat esse bāsiōrum.
Original draft written by Robert Amstutz