C. Valerius Catullus, Carmen 1: Dedication to Cornelius
The opening poem of Catullus's book is a dedication. It is addressed to Cornelius Nepos, a historian from Catullus's own region of northern Italy, and it also calls on the Muse.
View the Ludovico Manuscript at the National Library of Scotland
Tier 1
cui dōnō meum novum libellum, modo polītum?
Cornēlī, dōnō tibi quod tū solēbās putāre meōs versūs aliquid.
etiam quia tū, sōlus Ītalōrum ausus es explicāre tōtam historiam tribus librīs… Juppiter, doctīs et labōriōsīs!
itaque habē hunc librum tibi, quidquid librī quālecumque, quī, ō Mūsa, maneat longior post tempus nostrum!
Tier 2
cui dōnō novum libellum modo expolītum āridā pūmice?
Cornēlī, tibi: namque tū solēbās putāre meās nūgās esse aliquid.
iam tum, cum ūnus Ītalōrum ausus es explicāre omne aevum tribus cartīs… Juppiter, doctīs et labōriōsīs!
quārē habē hoc tibi quidquid libellī quālecumque, quod ō patrōna virgō, maneat perenne plūs ūnō saeclō!
Tier 3 - Carmen Ipsum
- cui dōnō lepidum novum libellum
- āridā modo pūmice expolītum?
- Cornēlī, tibi: namque tū solēbās
- meās esse aliquid putāre nūgās.
- iam tum, cum ausus es ūnus Ītalōrum
- omne aevum tribus explicāre cartīs . . .
- doctīs, Iuppiter, et labōriōsīs!
- quārē habē tibi quidquid hoc libellī,
- quālecumque, quod, ō patrōna virgō,
- plūs ūnō maneat perenne saeclō!
Original draft written by Robert Amstutz