C. Valerius Catullus, Carmen 2: Jealousy of Lesbia's Sparrow
Catullus addresses the pet sparrow of his girlfriend, the woman his poems call Lesbia. The poem is about the bird and the games she plays with it.
Tier 1
mea puella avem parvam habet. puella mea cum ave saepe lūdit. puella mea avem in sinū suō saepe tenet.
sī avis ōs suum aperit, puella mea digitum suum in ōre eius saepe pōnit. avis digitum eius mordet.
hoc est cum id placet meae puellae iocārī cārum lūdum et parvum sōlācium suī dolōris.
crēdō ut tum ardor gravis puellae dormiat: volō lūdere tēcum sīcut mea domina. volō levāre trīstēs cūrās animī.
Tier 2
passer, avis meae puellae, cum quō illa lūdere solet, quem illa in sinū suō tenēre solet,
cui, ōre apertō, illa prīmum digitum dare solet et ācrīs morsūs incitāre solet,
cum placet meae puellae iocārī aliquid cārum et parvum sōlācium suī dolōris,
crēdō ut tum gravis ardor acquiēscat: volō posse tēcum lūdere sīcut mea puella ipsa et volō posse levāre trīstīs cūrās animī.
Tier 3 - Carmen Ipsum
- passer, dēliciae meae puellae,
- quīcum lūdere, quem in sinū tenēre,
- cui prīmum digitum dare appetentī
- et ācrīs solet incitāre morsūs,
- cum dēsīderiō meō nitentī
- cārum nescio quid lubet iocārī
- et sōlāciolum suī dolōris,
- crēdō ut tum gravis acquiēscat ardor:
- tēcum lūdere sīcut ipsa possem
- et trīstīs animī levāre cūrās!
C. Valerius Catullus, Carmen 2b: Fragment
These three lines are probably a fragment of a separate poem. They recall the myth of Atalanta, the swift-footed huntress, and the golden apple that cost her a footrace.
Tier 1
tam grātum est mihi quam dīcunt aureum mālum fuisse puellae rapidae, mālum quod vestēs ē puellā remōvit.
Tier 2
tam grātum est mihi quam ferunt aureolum mālum fuisse puellae pernīcī, [mālum] quod solvit zōnam diū ligātam.
Tier 3 - Carmen Ipsum
- tam grātum est mihi quam ferunt puellae
- pernīcī aureolum fuisse mālum,
- quod zōnam solvit diū ligātam.
Original draft written by Robert Amstutz