palaestra erat pars thermārum Rōmānārum. in palaestrā Rōmānī sē exercēbant. Rōmānī, postquam palaestram intrāvērunt, ōstiāriō pecūniam dedērunt. Rōmānī cum amīcīs conveniunt et lūdunt. āthlētae circum palaestram currunt. in lūdīs discōs et pilās ēmittunt. pugilēs sēcum pugnant. variī mercātōrēs in palaestrā cibum et pōtiōnēs vēndunt.

Rōmānī post palaestram apodytērium intrant, ubi vestēs exuunt. cīvēs vestēs servīs saepe tradunt, quod fūrēs saepe in thermīs adsunt. fūrēs saepe vestēs ōrnātās in apodytēriō cēpērunt. tunc Rōmānī ad tepidārium prōcēdunt, ubi sedent et garriunt. in vapōre tepidāriī Rōmānī sūdant, antequam calidārium intrant.

in calidāriō aqua est calidissima. sub thermīs erat hypocaustum, ubi flammae ārdent. ibi servī oleum dominīs impōnunt et eōs strigilibus rādunt. aqua frīgida quoque cīvibus adest. post calidārium Rōmānī frīgidārium intrāre possunt, ubi in aquā frīgidā natant.

Rōmānī in thermīs nōn tantum sē purgant, sed etiam cum amīcīs conveniunt.