forum est magnus locus in urbe Rōmānā. in forō est ārea pūblica. circum āream sunt multa aedificia. in āreā sunt statuae imperātōrum et cīvium nōtissimōrum. arcus magnus victōriam imperātōris celebrat. hominēs per forum ambulant. plaustra et currūs forum intrāre nōn possunt.

forum erat negōtiātiōnis locus. aliī mercātōrēs piscēs, carnēs, frūmentum, frūctūs, nucēs vēndunt. aliī mercātōrēs īnstrūmenta et vestīmenta et aliās rēs in āreā vēndunt. aliī mercātōrēs in basilicā negōtium agunt. saepe erant basilicae in Rōmānīs urbibus. in basilicā cīvēs contrōversiās ferunt. iūdex contrōversiās audit, et poenās praemiaque cernit.

tria aedificia in forō magistrātūs habent. aedīlēs et duovirī urbem administrant. magistrātūs quoque lēgēs faciunt. in Cūriā ōrdō decuriōnum aut senātus convenit.

multa templa in forō sunt. templa Iovem et Iūnōnem et Minervam et Apollōnem honōrant. in ūnō templō Rōmānī Isidem honōrant. Iuppiter et Apollō sunt deī Rōmānī, sed Īsis est dea Aegyptia. Pompēiānī quoque templum prō imperātōre Vespasiānō aedificāvērunt. est quoque templum Saturnī in forō. templum Saturnī est aerārium et senātus Rōmānus multam pecūniam in templō posuit.

Eumachia erat fēmina dīves et sacerdōs. Eumachia magnum aedificium prō Concordiā Pietāteque aedificāvit. in aedificiō Eumachiae textōrēs negōtium agēbant.

Text originally written by Sean Minion