hinc (est) via Tartareī quae fert ad undās Acherontis. hīc gurges turbidus caenō et vāstā vorāgine aestuat et ērūctat omnem harēnam Cōcȳtō. portitor, Charōn, servat aquās hās et flūmina, cui mentō iacet plūrima inculta cānitiēs, (cui) lumina stant flammā, (cui) sordidus amictus dēpendet ex umerīs nōdō.

ipse subigit ratem contō et ministrat (ratem) vēlīs et subvectat corpora ferrūgineā cumbā, iam senior, sed senectūs deō crūda viridisque. hūc omnis turba ad ripās ruebat, matrēs et virī et corpora magnanimum hērōum dēfūncta vītā, puerī et innuptae puellae, iuvenēs impositī rogīs ante ōra parentum:

quam multa folia, lapsa prīmō frīgore autumnī, cadunt in silvīs, aut quam multae avēs glomerantur ab altō gurgite ad terram, ubi frīgidus annus fugat trāns pontum et immittit terrīs aprīcīs. stābant ōrantēs (esse) prīmī trāsnmittere cursum et tendēbant manūs amōre rīpae ulteriōris.

sed trīstis nāvita nunc accipit hōs, (nunc) illōs, ast arcet aliōs summōtōs harēna longē.